दोलायमानता

13 जूलै २०११ रोजी मुंबईत झालेल्‍या तीन बॉम्‍बस्‍फोटांच्‍या पार्श्‍वभूमीवर सेन्‍सेक्‍स १५ जुलै २०११ रोजी १८५६१ वर बंद झाला. त्‍याअगोदरच्‍या आठवडयात सेन्‍सेक्‍स १८८५८ वर बंद झाला होता म्‍हणजेच या आठवडयात सेन्‍सेक्‍सने २९७ अंशाची साप्‍ताहिक घसरण नोंदवली.

सेन्‍सेक्‍सला १८७२६ वर पाठबळ उपलब्‍ध आहे असे वाटत असताना निरंतर विक्रीच्‍या दबावामुळे सेन्‍सेक्‍स १८७०० च्‍या खाली घसरला आहे. त्‍यामुळे आगामी आठवडा देखील नरमाईचा असेल. घसरणीचे सत्र असेच चालू राहिले तर सेन्‍सेक्‍स १८४०० पर्यंत घसरण्‍याची शक्‍यता आहे. एखादया दिवशी तेजी दिसली तरी ती नाममात्र असेल. अशा दोलायमान अवस्‍थेत गुंतवणुकदारांनी शेअरबाजापासून दूर राहिलेले बरे.

या अगोदर सूचविलेल्‍या समभागांपैकी आरइसी, पॉवर फायनान्‍स, येस बॅंक यांनी लक्ष्‍य प्राप्‍ती केली आहे. सदर गुंतवणुकीतुन फायदा झाल्‍यास नफा वसुली करावी हे उत्‍तम .

- प्रविण निकम

Email : askmeta@rediffmail.com

तेजीचा गतिरोधक

4 जुलै 2011 रोजी सुरु झालेल्‍या सव्‍ताहात सेन्‍सेक्‍स १८८९६ वर उघडला. आठवडयातील सेन्‍सेक्‍सची किमान पातळी १८८६२ होती तर साप्‍ताहिक कमाल पातळी १९०९७ होती. शुक्रवार, 8 जुलै रोजी सेन्‍सेक्‍स १८८५८ वर बंद झाला. या सप्‍ताहात सेन्‍सेक्‍सने १९००० चा टप्‍पा पार केला तरी नफा वसुलीमुळे सप्‍ताहाचा शेवट निराशेत झाला. मागील कालावधीत सेन्‍सेक्‍सने 96 अंशाची साप्‍ताहिक वाढ नोंदवली.

१८९५५ च्‍या स्‍तरावर सेन्‍सेक्‍सला प्रतिकाराचा सामना करावा लागेल असे मागील विश्‍लेषणात नमूद केले होते या आठवडयात त्‍याची तंतोतंत प्रचिती आली. १९०७८ चा स्‍तर गाठल्‍याबरोबर सेन्‍सेक्‍सवर निराशेचे ढग दाटून आले. १९००० अंशाचा मैलाचा दगड पार करणा-या सेन्‍सेक्‍सने पुन्‍हा १८८५८ वर साप्‍ताहिक बंद दिला.

सेन्‍सेक्‍सला १८७२६ वर भक्‍क्‍म पाठबळ उपलब्‍ध आहे या पाठबळाच्‍या आधारे सेन्‍सेक्‍सची पुढील आगेकूच चालू राहील असे वाटते. यानंतरचा अडथळा पार करण्‍याअगोदर सेन्‍सेक्‍स, १८७०० ते १९०५० या स्‍तरावर काही काळ जमवणुकीचे सत्र चालू ठेवण्‍याची शक्‍यता वाटते. गुंतवणुकदारांनी गुंतवणुकीयोग्‍य समभाग आत्‍ताच हेरुन ठेवलेले बरे ! महाकाय (Large Cap) कंपन्‍यांमध्‍ये गुंतवणुकीचे धोरण ठेवावे स्‍टेट बॅंक ( ` २४७८ ) आणि लार्सन अॅंण्‍ड टुब्रो ( ` १८३६ ) हे समभाग तेजीत चांगलाच फायदा करुन देतील असे वाटते.

तेजीची आगेकूच

२७ जून २०११ रोजी सुरु झालेल्‍या सप्‍ताहात सेन्‍सेक्‍स १८१३२ वर उघडला. हीच सेन्‍सेक्‍सची आठवडयातील किमान पातळी होती तर साप्‍ताहिक कमाल पातळी १८८७३ होती. शुक्रवारी १ जुलै रोजी सेन्‍सेक्‍स १८७६२ वर बंद झाला. गेल्‍या सप्‍ताहात सेन्‍सेक्‍सने ५२२ अंशाची वाढ नोंदवली. दिवसभरात 513 अंशाची जोरदार वाढ नोंदवत सेन्‍सेक्‍स 18240 अंशावर बंद झाला. आठवडयात सेन्‍सेक्‍सने ५२२ अंशाची साप्‍ताहिक वाढ नोंदवली.

अमेरिकन अर्थव्‍यवस्‍थेमध्‍ये पुन्‍हा निराशेचे ढग जमा होवू लागले आहेत. युरोपियन बाजाराच्‍या तुलनेने आशियाई बाजाराकडून अधिक परतावा मिळविण्‍यासाठी परकिय संस्‍थागत गुंतवणुकदारांनी सध्‍या जोरदार खरेदी सुरु केली आहे. त्‍याचे प्रतिंबिंब वाढत्‍या सेन्‍सेक्‍समध्‍ये उमटते आहे. त्‍यामुळेच भारतीय शेअरबाजाराबरोबरच जपान, चीन आणि सिंगापूर शेअरबाजाराने उत्‍तम कामगिरी नोंदवली.

मागील आठवडयाच्‍या विश्‍लेषणात १७९०० वर प्रतिकाराचा सामना करावा लागेल असे नमुद केले होते पण जोरदार खरेदीच्‍या सत्रामुळे सेन्‍सेक्‍सने हा अडथळा लिलया पार करतानाच १८६०० अंशांच्‍या पलिकडे झेप घेतली आहे. यापुढे सेन्‍सेक्‍सचे लक्ष्‍य १९५८४ असेल त्‍याअगोदर सेन्‍सेक्‍सला १८९५५ आणि १९१७३ या स्‍तरावर प्रतिकराचा सामना करावा लागेल.

मागील लेखामध्‍ये सूचित केलेल्‍या समभागांपैकी अपोलो टायर्स, डीश टी‍व्‍ही, येस बॅंक आणि आरईसी यांनी लक्ष्‍य – 1 ची पूर्तता केली आहे. आता लक्ष्‍य - 2 चा विचार करावा .


- प्रविण निकम
email - askmeta@rediffmail.com

आशेचा कवडसा

20 जून 2011 रोजी सेन्‍सेक्‍स 17925 वर उघडला. आठवडयातील सेन्‍सेक्‍सची किमान पातळी 17314. शुक्रवारी 24 जून रोजी सेन्‍सेक्‍सने जोरदार उसळी घेतली तेव्‍हा सप्‍ताहातील सेन्‍सेक्‍सची कमाल पातळी 18268 होती. दिवसभरात 513 अंशाची जोरदार वाढ नोंदवत सेन्‍सेक्‍स 18240 अंशावर बंद झाला. आठवडयात सेन्‍सेक्‍सने 370 अंशाची साप्‍ताहिक वाढ नोंदवली. गेल्‍या अनेक दिवसात मरगळलेला सेन्‍सेक्‍स 24 जून रोजी तजेला निर्माण करुन गेला.

मौसमी पावसाच्‍या दमदार आगमनामूळे भारतीय अर्थव्‍यवस्‍थेमध्‍ये टवटवी निर्माण झाली आहे. ग्रीसच्‍या अर्थव्‍यवस्‍थेला नवीन उभारी देणारी पावले युरोपियन आर्थिक समुदायाने उचलल्‍यामुळे परकिय गुंतवणुकीदारांनी सुटकेचा निश्‍वास टाकला आहे. या सर्वांच्‍या परि‍णामामूळे सेन्‍सेक्‍सने देखील 17500 च्‍या स्‍तरावरुन उसळी घेतली आहे.

17300 ते 17493 या स्‍तरावर सेन्‍सेक्‍सला भक्‍कम पाठबळ निर्माण झाले आहे. 24 जून रोजी सेन्‍सेक्‍सने तेजी दाखवली तरी नफा वसुलीमुळे वाढलेल्‍या समभागाच्‍या भावांमध्‍ये आगामी आठवडयात काही प्रमाणात पडझड होवू शकते. सेन्‍सेक्‍सचे पुढील लक्ष्‍य 18600 असेल. 17900 च्‍या स्‍तरावर प्रतिकाराचा सामना करावा लागेल अशी शक्‍यता वाटते.

गुंतवणुकदारांनी खालील समभागांचा गुंतवणुकीसाठी विचार करावाः

कंपनी	तोटा बंदी – 1 Stop Loss -1	लक्ष्‍य - 1 Target - 1	तोटा बंदी – 2 Stop Loss -2	लक्ष्‍य - 2 target - 2
Apollo Tyre	70	75	75	85
Dish TV	80	100
Yes Bank	300	310	315	340
REC	180	200	195	215

- प्रविण निकम

email - askmeta@rediffmail.com